Turnati

Nta stu caudu d'istati
nta sta città disulata
m'assettu o bisolu da finestra
e aspettu a vui
ca di sta strada nun passati mai
e vi fazzu un cantu pi tutta la notti
fino a chi torna u suli
ca sa si passassi carcuno ca vi canusci
vi purtassi lu me lamentu d'amuri.
Supra a stu cori sulitariu
c'è na notti china di stiddi
ma senza vui
giuiuzza mia
u cielu nun avi chiu culuri
e tuttu stu brillar in luntanza
è un duluri chi mi rivota
e mi lassa senza spiranza.
Sirena i sita
chi m' arricurdati l'autunnu du sali
chi m' arrisbiggiati l'inverno du mari
chi m' arricriati a primavera di meli
si era veru amuri
turnati
sutta a stu barcuni
piccitta e duci
comu quannu v'incuntrai
turnati
chi senza u vostru amuri
sugnu sulu un ciuri
chi ha persu lu so uduri.