Idda

A idda ci girava
di notti e di jornu
passiari sula,
cetti voti
nsemi e cani
cantava ca luna.
A idda ci vinia
na gran frinisia
quannu spuntava u suli
e paria na carusitta
chi pa prima vota
s'intrubbulia chi culuri.
A idda ci piacia
supra a tutti l'autri cosi
chiantari i ciuri,
miscarisi a terra chi mani e u suduri,
e i sogni e i suspiri
ci culaunu nto cori
e u ventu supra u mari
c'asbulazzava a tutti menzi
l'amuri.
Di idda tutti i passi
erunu na ducizza di litania
e a mia
s' nturciuniava u stomucu
ma assai, assai mi piacia.