'Nto sdirupu di vini

A vidu ca balla
occhi niuri
peddi di luna
na botta di lava 'nto sdirupu di vini.
A vidu ca balla
e ciaurìa di zagara
comu na catina stritta
chi mi rumpi i spaddi
comu un chiodo 'nfucatu
chi mi svita l'ossa.
Mi strinci
aprennu l'occhi a mennula
Mi strinci
na corda bagnata chi frusta pa schina
Mi strinci
e rampicandosi o coddu mi mori u ciatu.
Poi canta
e nta so bedda vuci
avi rutta l'anima
tra i carni e u cori.
Furria
e dopu scappa
e mi lassa
io sula
e u pettu 'ntricciatu.